Велоспортчиларимиз бугун Осиё чемпионатидаги юришини бошлайди
Саудия Арабистонининг Ал-Қосим вилоятида велоспортнинг шоссе йўналиши бўйича катталар ва ёшлар ўртасида Осиё чемпионати старт олди ва унда велопойгачилар 11 февраль кунига қадар баҳсларда иштирок этадиган бўлди.
Қитъамизнинг турли мамлакатларидан келган велоспортчилар иштирокида ўтадиган мазкур чемпионатнинг бугун, 5 февраль кунги дастурини шахсий тақиб пойгаси бошлаб беради. Унда иштирокчилар 20 км. масофада рақобатлашади. Қувонарлиси, Осиё чемпионатининг илк баҳсида Ўзбекистон шарафини ёшлар ўртасида Артемий Шербаков, U23 аёллар орасида Асал Ризаева ҳамда катталар бўйича ўтадиган аёллар пойгасида Янина Кускова ҳамда Шаҳноза Абдуллаева ҳимоя қилади.
Қуйида Осиё чемпионатида иштирок этадиган терма жамоамизнинг барча аъзолари билан танишасиз:
U23 (қизлар): Асал Ризаева, Самира Исмоилова, Анна Кускова, Ксения Ли.
U23 (йигитлар): Фарруҳ Бобошеров, Диёр Тохиров, Самандар Жониқулов, Бегзод Баҳодиров.
Ёшлар (қизлар): Роксана Ҳикматова, Гулҳаё Сатторова, Екатерина Макарочкина, Надежда Бартенеева.
Ёшлар: Артемий Шербаков, Шоислом Шоакмалов, Чингиз Чўлиев, Фазлиддин Эргашев.
Аёллар: Янина Кускова, Шаҳноза Абдуллаева, Мадина Қаҳҳорова, Нафосат Козиева.
Эркаклар: Никита Цветков, Дмитрий Бочаров, Мурод Холмуродов, Санжар Эргашев, Абдураҳмон Неъматов.
Жавоҳир Тошхўжаев, ЎзА
