Сергей Фомин чорак финалга чиқди
Хитойнинг Вунин шаҳрида теннис бўйича эркаклар ўртасида “Challenger” туркумига кирувчи халқаро турнирда икки ҳамюртимиз Сергей Фомин ва Ҳумоюн Султонов иштирок этмоқда.
Соврин жамғармаси 63 минг АҚШ долларини ташкил этувчи мазкур мусобақада мамлакатимизнинг биринчи рақамли теннисчиси Сергей Фомин иккинчи босқичда австралиялик Моэрани Бузиге устидан 1:6, 7:6, 6:4 ҳисобида зафар қучди. Шу тариқа, чорак финалга йўл олган теннисчимиз ярим финал остонасида Жанубий Корея вакили Санхуй Шин билан рақобатлашадиган бўлди.
Афсуски, Ҳумоюн Султонов иккинчи даврада хитойлик Фацзин Сунга қарши ўтган ўйинда 6:4, 6:2 ҳисобида имкониятни бой бериб қўйган ҳолда мусобақа билан хайрлашди.
Жавоҳир Тошхўжаев,
ЎзА
