Шароф Рашидов номидаги Самарқанд давлат университети ректори Рустам Холмуродов Россиянинг “Курчатов институти” миллий тадқиқот маркази президенти, Россия Фанлар академиясининг мухбир аъзоси Михаил Ковальчук билан учрашув ўтказди.

Тадбирда академик Муҳсин Ашуров, Самарқанд давлат университети профессор-ўқитувчилари, илмий ходимлари қатнашди.

Учрашувда таълим ва тадқиқот муассасалари ўртасида икки томонлама илмий-амалий ҳамкорликни йўлга қўйиш ва кенгайтириш, конвергент технологиялар ва элементар заррачалар физикаси, тиббиёт ва биологияда рақамли технологияларни қўллаш, академик алмашинувларни амалга ошириш хусусида таклиф ва мулоҳазалар билдирилди.  

Бу борадаги амалий ҳаракатларни бошлаш зарурлиги таъкидланди.

Дилдора Дўсматова,

ЎзА