Ўзбекистон ва Парагвай Биринчи хонимларининг учрашуви бўлиб ўтди
Тошкентда ўтаётган олий даражадаги Ўзбекистон-Парагвай музокаралари доирасида Кўксарой қароргоҳида Ўзбекистон Республикасининг Биринчи хоними Зироат Мирзиёева ва Парагвай Республикасининг Биринчи хоними Летисия Окампос ўртасида учрашув бўлиб ўтди.
Очиқ ва самимий руҳида ўтган мулоқотда икки давлат раҳбарларининг рафиқалари мамлакатларимиз ўртасида дўстлик ва ўзаро англашувни мустаҳкамлаш, маданий ва гуманитар ҳамкорликни кенгайтириш масалаларини муҳокама қилдилар.
Олий мартабали меҳмон ўзбек амалий санъати усталарининг ижод намуналари, халқимизнинг миллий анъана ва урф-одатлари билан танишди.