Хоразмлик талабалар енгил атлетика бўйича ҳозирча пешқадам

“Янги Ўзбекистон талабалар Олимпиадаси” доирасида ўтказилган енгил атлетика мусобақаларининг биринчи кунги натижаларига кўра, Хоразм вилоятидаги Урганч давлат университетининг “UrDU” спорт клуби вакиллари 4 та олтин, 1 та кумуш медаль жамғариб, биринчи ўринни эгалламоқда.

Иккинчи поғонадан Қорақалпоқ давлат университети спорт клуби жой олди. Жамоа аъзолари 3 та олтин медални қўлга киритди. Кучли учликни Андижон давлат педагогика институти спорт клуби якунлаб берди. Ушбу жамоа ҳисобида 1 та олтин, 2 та кумуш ва 1 та бронза медаль мавжуд.

Шунингдек, Наманган давлат педагогика институти спорт клуби 1 тадан олтин, кумуш ва бронза медаль билан тўртинчи ўриндан жой олди. 

Самарқанд давлат университетининг Ўзбекистон—Финляндия педагогика институти спорт клуби ҳамда Андижон давлат университетининг “ADU” спорт клуби биттадан олтин ва бронза медаль билан бешинчи ўринни бўлишиб олди. 

Жиззах давлат педагогика институти спорт клуби эса 1 та олтин медаль билан мусобақани якунлади.

“Янги Ўзбекистон талабалар Олимпиадаси” доирасида енгил атлетика мусобақаларининг иккинчи кун беллашувлари бугун, 6 июнь куни бўлиб ўтади.

Енгил атлетика. 2-кун дастури:

Аёллар:

Уч ҳатлаб сакраш — финал

3000 метрга югуриш — финал

200 метрга югуриш — дастлабки босқич

800 метрга югуриш — финал

200 метрга югуриш — финал,

Эркаклар:

3000 метрга югуриш — финал,

200 метрга югуриш — дастлабки босқич,

Уч ҳатлаб сакраш — финал.

800 метрга югуриш — финал

200 метрга югуриш — финал.

Жавоҳир Тошхўажев, ЎзА