Ғолиблар пул мукофоти билан рағбатлантирилди
Пойтахтимизда “Yoshlar ishlari agentligi kubogi” – "Challengers open" va "Challengers women" йўналишлари республика мусобақаси ниҳоясига етди.
Жами 9 турдан иборат бўлган ушбу кескин баҳсларда шахматчилар ўз маҳоратларини юқори даражада намойиш этди. Ҳар бир партияси қизғин ва муросасиз кечган мусобақа якунида қуйидаги натижалар қайд этилди. Жумладан, "Challengers open” гуруҳидан 1-ўрин Хадиятулло Мухамедов, 2-ўрин Билолхўжа Хасанов ҳамда 3-ўрин Акбар Ёқуббоевга насиб қилди.
"Challengers women" гуруҳидан эса 1-ўринга Моҳинур Ҳабибуллаева, 2-ўринга Оксана Слапогузова ва 3-ўринга Одина Олимова эришди.
1-ўринни эгаллаган иштирокчилар 25 миллион, 2-ўрин 15 миллион ҳамда 3-ўринни эгаллаган иштирокчилар 10 миллион пул мукофоти билан рағбатлантирилди.
Мусобақа якунида турли номинациялар ғолиблари ташкилотчиларнинг эсдалик совғалари билан тақдирланди.
Гулноза Бобоева, ЎзА
