Фарғонада “ITF Juniors J60” халқаро турнири якунланди
Фарғона шаҳрида теннис бўйича ўсмирлар ўртасида ўтказилган “ITF Juniors J60” халқаро турнирида яккалик ва жуфтлик баҳслари ўз ниҳоясига етди.
Яккалик беллашувларда финалда нейтрал теннисчилар Александр Куницин ва Александр Илин рақобатлашди. Унда Александр 6:4, 7:6 ҳисобида зафар қучиб, бош совринни қўлга киритди. Қизлар ўртасида эса Қозоғистон вакили Еркажан Жанатаева турнир чемпионига айланди.
Халқаро теннис федерацияси томонидан ўтказилган мазкур турнирнинг жуфтлик баҳсларида эса ҳамюртларимиз Данила Квасов ва Аҳмаджон Тошмуҳаммедов бош совринни қўлга киритган бўлса, қизлар орасида нейтрал теннисчилар Юлия Мякоткина ва Радмила Раҳматуллина тандеми зафар қучди.
Жавоҳир Тошхўжаев, ЎзА
