Эронлик тадбиркор Фарғонани танлади
Фарғона вилояти хорижий инвестиция жалб қилиш бўйича мамлакатда етакчилардан бирига айланди. Агар 2025 йилда жами 3,7 млрд, шундан 2,5 млрд доллар хорижий инвестиция ўзлаштирилган бўлса, бу йил бу рақам 4,2 млрд долларга етиши кутиляпти. Ҳеч шубҳа йўқки, бу марра эгалланади. Фарғона вилоятига кун сайин хориждан инвесторлар келиши кўпайиб бормоқда. Бугун Фарғонага Туркия, Россия, Тожикистон ва Эрон инвесторлари ўз лойиҳалари билан келмоқдалар.
Вилоят ҳокими Хайрулло Бозоров Бешариқ туманида эронлик инвестор Мустафо Хусайн Пулараб билан учрашди. Унда Бешариқ туманида саноат, инфратузилма ва логистика соҳаларида ҳамкорлик масалалари кўриб чиқилди.
– Ўзбекистон хорижий инвестиция киритишга энг қулай мамлакатга айланди, – дейди Эрон Республикаси инвестори Мустафо Хусайн Пулараб. – Мен бу ерда Эроннинг “Бунёди Мустазафган” компанияси номидан инвестицион лойиҳалар билан келдим. Хусусан, қишлоқ хўжалиги ва Бешариқ туманида паррандачилик соҳасида қўшма лойиҳаларни амалга оширишни таклиф этдим. Вилоят ҳокими Хайрулло Бозоров жаноблари бизни қўллаб қувватлашларини билдирдилар. Шундай қилиб, тез кунларда компания мутахассислари Фарғонага келадилар ва биз амалий ишни бошлаймиз.
<iframe width="650" height="420" src="https://www.youtube.com/embed/VGzxLKrUN2M" title="Eronlik tadbirkor Farg'onani tanladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳаммаджон Обидов, Элёр Олимов (видео, сурат), ЎзА
