Tramp: Ukrainaga yangi prezident kerak
Oq uy rahbari Donald Tramp Ukraina yetakchisi Vladimir Zelenskiyni tanqid qilib, mamlakatga yangi prezident kerakligini aytdi. Bunga Zelenskiyning Rossiyadan AQSHga dizel yoqilg‘isi yetkazib berish bo‘yicha kelishuvga qarshi chiqqani va Moskvaga qarshi neft zavodlariga zarbalarni to‘xtatishdan bosh tortgani sabab bo‘ldi.
Trampning aytishicha, Zelenskiy RF neftni qayta ishlash zavodlariga hujumlarni to‘xtatishi kerak, chunki bu jahon energetika bozoriga ta’sir qilmoqda. Qo‘shma Shtatlar juma kuni rus dizel eksportiga nisbatan sanksiyalarni 7-aprelgacha to‘xtatish bo‘yicha Moskva bilan kelishuvga erishganini tasdiqlagan.
Kelishuv doirasida Rossiya dastlab 300 ming tonna dizel yetkazib berishi, keyin esa qo‘shimcha hajmlar bozorga chiqarilishi kutilmoqda. Zelenskiy esa bu Putinga urushni davom ettirish uchun qo‘shimcha mablag‘ beradi, deb hisoblaydi.
Yevropa Ittifoqi tashqi ishlar rahbari Kaya Kallas ham sanksiyalarni yumshatish Moskva daromadlarini oshirib, nizoni moliyalashtirishga xizmat qilishini ta’kidladi. Shu bilan birga, Zelenskiy saylov o‘tkazish masalasida Ukrainada harbiy holat amal qilayotganini eslatdi: qonunchilikka ko‘ra, bu davrda saylovlar o‘tkazilmaydi.
U Rossiya 60 kunlik to‘liq o‘t ochishni to‘xtatishga rozi bo‘lsa, saylovlarni tashkil etish mumkinligini bildirgan.
Musulmon Ziyo, O‘zA
