АҚШда Трампга нисбатан норозилик кучайди

Америка Қўшма Штатлари ва бир неча Европа мамлакатида “Қироллар йўқ” шиори остида 3300 дан ортиқ намойиш бўлиб ўтди. Иштирокчилар Президент Дональд Трамп сиёсатидан норози.

Чиқишларда жами 8 миллионга яқин одам иштирок этгани айтиляпти, деб ёзган “Reuters” агентлиги.

Оломон Трампни демократик институтларни бузиш, ҳокимиятни ҳаддан ташқари ўзлаштиришда айбламоқда. Намойишчилар АҚШ - Исроил уруши ва иммиграция сиёсати кескинлашувига қарши “Қироллар йўқ”, “Трампни тўхтатинг, демократияни сақланг”, “Трамп ақлдан озган”, “Ҳоҳишга қараб уруш бошлашга йўл қўйилмасин” каби шиорларни илгари суришяпти.

Халқ юришида Голливуднинг машҳур актёри Роберт Де Ниро, қўшиқчи Брюс Спрингстин каби машҳур шахслар, жамоат арбоблари ҳам бор.

С.Раҳимов, ЎзА