50 кунлик урушда 50 миллиард долларлик нефть йўқотилди
“Kpler” таҳлил фирмаси маълумотига кўра, февраль ойи охиридан бери глобал бозордан 500 миллион баррелдан ортиқ нефть олиб чиқилди. Бу замонавий тарихдаги энг йирик энергия таъминоти узилишидир.
– Мазкур салбий ҳолат 10 ҳафта давомида глобал ҳаво қатновига талабни камайтирди, – дейди корхона бош таҳлилчиси. 11 кун мобайнида глобал саёҳат тўлиқ чекланиб, глобал иқтисодиёт беш кунлик нефть етказиб берилмаслиги даражасида зарар кўрди.
“Reuters” ҳисобига кўра, айни ҳажм нефтга нисбатан АҚШ ва Европадаги бир ойлик талабни қондириш учун етарли. Бу миқдор бутун халқаро юк ташиш саноатини тахминан тўрт ой давомида таъминлайди. Фақат март ойининг ўзида Форс кўрфази мамлакатлари ишлаб чиқаришда кунига тахминан 8 миллион баррель, бошқача айтганда “ExxonMobil” ва “Chevron” каби йирик нефть компаниялари жами ишлаб чиқариш ҳажмига тенг нефтни йўқотди.
Саудия Арабистони, Қатар, БАА, Қувайт, Баҳрайн ва Ўмондан реактив ёнилғи экспорти февраль ойидаги 19,6 миллион баррелдан март ва апрель ойларида 4,1 миллион баррелга тушди. Экспортдаги мазкур йўқотиш Нью-Йоркнинг Кеннеди аэропорти ва Лондоннинг Хитроу аэропорти орасида тахминан 20 000 икки томонлама рейсни қўллаб-қувватлаш учун етарли. Агентлик хулосасига кўра, бундай кенг кўламли инқироздан тўлиқ тикланиш учун йиллар керак бўлиши мумкин.
С.Раҳимов, ЎзА
