Ёш дзюдочилар Бухорода сараланди
Бухорода Болалар ва ўсмирлар спорт мактаблари ўртасида дзюдо бўйича Ўзбекистон чемпионати бўлиб ўтди.
U13 ва U15 ёш тоифасидаги дзюдочилар ўртасида ташкил этилган мамлакат биринчилигида юртимизнинг барча ҳудудларидан келган ва Қорақалпоғистон Республикасида фаолият юритаётган Болалар ва ўсмирлар спорт мактабларининг иқтидорли дзюдочилари бир неча вазн тоифаларида ўзаро баҳслар олиб боришди.
Ўзбекистон чемпионатининг 13 ёшли полвонлар баҳсида мезбонлар умумжамоа ҳисобида биринчи ўринни эгаллади. Кучли учликдан эса Самарқанд ва Қашқадарё БЎСМ жамоалари жой олди.
U15 ёш тоифасидаги беллашувларда Навоий вилояти жамоаси шоҳсупанинг энг юқори поғонасидан ўрин эгаллаган бўлса, Хоразм вилояти жамоаси иккинчи, Самарқанд вилояти ёш дзюдочилари эса учинчи ўринни эгаллади.
Жавоҳир Тошхўжаев, ЎзА