Toshkent metropoliteni matbuot xizmati xabar berishicha, rejali profilaktika ishlarini amalga oshirish maqsadida 2 avgustdan boshlab 6 ta "Texnopark-Yangiobod" bekatidan iborat metro yo‘nalishida poyezdlar harakati to‘xtatiladi.

Qayd etilishicha, rejalashtirilgan ishlar yer usti estakadalari va stansiyalarida amalga oshiriladi. Ular metro poyezdlari va yo‘lovchilar harakati xavfsizligini ta’minlash, shuningdek, ma’lum bir foydalanish muddatidan keyin sifatli xizmat ko‘rsatish uchun zarur.  

Yo‘lovchilarga qulaylik yaratish maqsadida "Texnopark - Qipchoq - Texnopark" metro bekatlari oralig‘ida katta sig‘imli avtobuslar (metrobuslar)ning bepul qatnovi yo‘lga qo‘yiladi. Metrobuslar soat 05:00 dan 23:00 gacha harakatlanadi.  

Sh.Mamaturopova,  

O‘zA