Трамп Венесуэлани 51-штат” сифатида белгилади

АҚШ Президенти Дональд Трамп ижтимоий тармоқ саҳифасида Америка байроғи рангидаги Венесуэла харитасини чизиб, “51-штат” ёзувини жойлаштирди.

Шунингдек, у 11 май куни "Fox News" телеканалига берган интервьюсида ҳам шу масала тўғрисида жиддий ўйлаётганини айтганди. Бинобарин, ушбу баёнотнинг аниқ мазмуни ноаниқлигича қолмоқда.

Венесуэла Президенти вазифасини бажарувчи Делси Родригес эса дарҳол журналистларга мамлакати 51-штат бўлиш ниятида эмаслигини билдирди.
У Гаагадаги Халқаро судда Венесуэла ва қўшни Гаяна ўртасидаги минераллар ва нефтга бой Эссекибо минтақаси бўйича баҳснинг сўнгги кунида шундай деди:

- Биз ўз яхлитлигимиз, суверенитетимиз, мустақиллигимиз, тарихимизни ҳимоя қилишда давом этамиз. Венесуэла мустамлака эмас, балки эркин мамлакат!

Г.Сатторова, ЎзА