Трамп: АҚШ Олий суд қарори Хитойнинг ғалабаси
АҚШ президенти Дональд Трамп ўзининг ижтимоий тармоқдаги саҳифасида Олий суднинг туғилиш ҳуқуқи билан фуқароликни чеклаш таклифини рад этган қарорини танқид қилди.
Трампнинг таъкидлашича, бу қарор чет элликлар АҚШга келиб, фарзандига автоматик равишда Америка фуқаролигини беришлари мумкин бўлган “туғилиш туризми”ни рағбатлантиради.
Шунингдек, у бундай амалиёт соғлиқни сақлаш тизимига путур етказиши ва АҚШ манфаатига мос келмаслигини таъкидлади.
– Олий суд чиқарган қарор Хитойнинг катта ғалабаси, – деди президент.
Аввалроқ, Олий суд туғилиш ҳуқуқи билан фуқароликни чеклашга уриниш АҚШ Конституциясининг 14-тузатмасини бузади, деган қарор чиқарган эди.
С.Раҳимов, ЎзА
