Ташкентте ЮНЕСКО қолдауымен аймақтық мектепке дейінгі білім беру орталығы ашылады
Мектепке дейінгі және мектеп білім беру министрі Эъзоза Каримова Париж қаласында ЮНЕСКО Бас директоры Хашим Ал-Ананимен кездесті.
Кездесу аясында Ташкентте ЮНЕСКО қамқорлығымен II санаттағы «Мектепке дейінгі білім беруді дамыту жөніндегі аймақтық орталық» құру туралы келісімге қол қойылды.
Аталған бастама 2025 жылдың қараша айында Самарқанд қаласында өткен ЮНЕСКО Бас конференциясының 43-сессиясының ашылу рәсімінде Өзбекстан Республикасының Президенті Шавкат Мирзиёев тарапынан ұсынылған болатын.
Азия мен Тынық мұхиты өңірінде алғаш рет құрылатын бұл орталық мектепке дейінгі білім беру саласындағы реформаларды халықаралық тәжірибе мен сараптамалық қолдау арқылы дамытуға бағытталады. Сонымен қатар, ол Өзбекстанды ерте жастағы білім беру саласында өңірлік «хаб» ретінде қалыптастыруға ықпал етеді.
Кездесу барысында Хашим Ал-Анани Өзбекстан Республикасының Президенті Шавкат Мирзиёевтің ЮНЕСКО-мен ынтымақтастықты нығайту жолындағы күш-жігерін ерекше атап өтіп, Мемлекет басшысының білім, мәдениет және ғылым салаларындағы халықаралық бастамаларын жоғары бағалады.
