Сурхондарё вилояти Денов туманида “Табиат болалар нигоҳида” танловининг вилоят босқичи бўлиб ўтди.

Мактабгача таълим ташкилотлари тарбияланувчилари иштирокидаги бу ижодий беллашув болажонлар учун нафақат синов, балки табиатни севиш ва қадрлаш туйғуларини ифода этиш имконияти бўлди.

Ранглар жилоси, қушлар сайраши, дарахтларнинг барқ урган барглари, меҳр билан чизилган табиат манзаралари кичкинтойларнинг мусаввир қалби орқали жонланган. Ҳар бир асарда самимийлик, қувонч, орзу ва табиатга бўлган чексиз муҳаббат акс этди.

[gallery-24358]

Танлов якунида энг яхши ижодий ишлар алоҳида эътироф этилиб, ғолиблар диплом ва эсдалик совғалари билан тақдирланди.

Қизлар орасида Бандихон туманидан Зарина Ўктамова биринчи ўринга сазовор бўлди. Жарқўрғон туманидан Меҳрангиз Нормўминова иккинчи ўрин билан тақдирланган бўлса, Узун туманидан Аниса Файзуллаева учинчи ўринни эгаллади.

Ўғил болалар орасида эса Музработ туманидан Юксал Ахматовнинг иши ҳакамлар ҳайъатининг энг юқори баҳосига сазовор бўлиб, биринчи ўринни эгаллади. Қумқўрғонлик Умар Муроталиев ва Шаҳбоз Шотўраев мос равишда иккинчи ва учинчи ўринларни қўлга киритди. 

<iframe width="650" height="420" src="https://www.youtube.com/embed/Qf1jnrkROnY" title="Tabiat bolalar nigohida" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат ва видео), ЎзА