Стол теннисчимиз Осиё чемпионатида қирғизистонлик рақибини мағлуб этди

Таиланднинг Бангкок шаҳрида стол тенниси бўйича U15 ва U19 ёш тоифасида яккалик, жамоавий ва аралаш жамоавий тарзда ўтказилаётган ХХХ Осиё чемпионати Ўзбекистон терма жамоаси аъзолари учун кутилган ва кутилмаган натижаларга бой бўлмоқда.

Кеча ўтказилган бир қатор ўйинларда ўзига хос натижалар қайд этилди. Хусусан, U19 ёш тоифасидаги аралаш жуфтлик ўйинларининг 1/32 финал босқичида терма жамоамиз аъзолари Хуршид Аҳмедов / Аружан Камалова тандеми Макао жамоасини 3:0 ҳисобида мағлуб этиб, 1/16 босқичда Ҳиндистон терма жамоаси аъзоларига 1:3 кўринишида имкониятни бой берди ва чемпионатни 1/8 финал остонасида якунлади.

Шунингдек, кеча маҳоратли кичик ракеткачимиз Аделина Ҳасанова қирғизистонлик Айбийке Орозбековани 3:0 ҳисобида енгди.

Т.Рўзиев,

ЎзА