Грузия пойтахти Тбилиси шаҳрида теннис бўйича М25 таснифига кирувчи халқаро турнирда Сергей Фомин жуфтлик баҳсларида чорак финалга чиқди.

Мамлакатимизнинг иккинчи рақамли теннисчиси халқаро мусобақанинг жуфтлик беллашувларида нейтрал теннисчи Эрик Арутиюниан билан тандем ҳосил қилиб, илк босқичда Денис Истомин ва нейтрал теннисчи Евгений Карловский дуэтига қарши кортга чиқди.

Ушбу учрашувда Сергей ва Эрик 6:4, 6:4 ҳисобида зафар қучди. Энди улар чорак финал босқичида кипрлик Элефтериос Неос ва нейтрал теннисчи Семен Панкин жуфтлигига қарши рақобатлашади.

Жавоҳир Тошхўжаев,

ЎзА