Мамлакатимизнинг иккинчи рақамли теннисчиси Сергей Фомин Туркиянинг Анталия шаҳрида ўтаётган халқаро турнирнинг яккалик баҳсларини ғалаба билан бошлади.

Теннисчимиз яккалик беллашувларда чехиялик Ян Кумстат билан рақобатлашди ва ҳар иккала сетда бирхил 6:2 ҳисобида зафар қучди. Энди Сергей Фомин чорак финал йўлланмаси учун ўтадиган ўйинда яна бир чехиялик теннисчи Зденек Коларга қарши кортга чиқади.

Эслатиб ўтамиз, С.Фомин М25 таснифидаги ушбу нуфузли мусобақанинг жуфтлик баҳсларида нейтрал спортчи Павел Вербин билан тандем ҳосил қилиб, чорак финалга йўл олган эди. Улар ушбу босқичда финляндиялик Патрик Кауковалта ва Еро Васа жуфтлигига қарши бугун ўйин ўтказишади.

Жавоҳир Тошхўжаев, ЎзА