Президент Шавкат Мирзиёевнинг Қирғизистонга давлат ташрифи якунлари бўйича ОАВ вакиллари учун баёнотидан асосий фикрлар

 –Қирғизистонда иқтисодиёт барқарор ўсиб, аҳоли фаровонлиги таъминланмоқда;

–Қирғизистоннинг 2027–2028 йиллар учун БМТ Хавфсизлик Кенгашининг доимий бўлмаган аъзоси этиб сайланиши мамлакатнинг халқаро нуфузи ва Марказий Осиё овози тобора кучайиб бораётганини кўрсатди;

–Ўзбекистон Қирғизистондаги ислоҳотлар дастурини бундан буён ҳам қўллаб-қувватлашга тайёр;

–Бизнинг ягона эзгу мақсадимиз – икки қардош халқни янада яқинлаштириш;

– Иттифоқчилик муносабатлари тўғрисида шартноманинг имзолангани ташрифнинг муҳим натижаси бўлди;

–Президентлар раислигида Давлатлараро кенгаш тузишга келишиб олинди;

–Сўнгги йилларда ўзаро товар айирбошлаш деярли 10 баробарга ошди, келгуси йилда уни 3 миллиард долларга етказиш кўзланмоқда;

–Энергетика, электротехника, фармацевтика, қишлоқ хўжалиги, тўқимачилик соҳасида янги лойиҳалар келишиб олинди;

–“Хитой – Қирғизистон – Ўзбекистон” темир йўли бўйлаб биргаликда савдо-логистика инфратузилмасини ривожлантирамиз;

–Қамбарота ГЭС-1 бўйича битимни имзолаш жараёни тезлаштирилади;

–Йил якунига қадар Ўзбекистонда янги форматда биринчи Ҳудудлар форуми бўлиб ўтади;

– 2028 йилда Чингиз Айтматов таваллудининг 100 йиллигини кенг нишонлаймиз.