Парламентлараро Иттифоқнинг 150-юбилей ассамблеяси ниҳоясига етди. Минтақамизда илк бор ўтказилган ушбу нуфузли анжуманда делегациялар вакиллари жуда фаол иштирок этди.

Ассамблея якунланиши билан унда иштирок этган делегатларнинг тадбир қандай ўтгани ҳақидаги фикрларини эшитдик. 

ЎзА мухбири Австрия парламенти миллий кенгаши аъзоси Пиа Мариа Виеннингер билан суҳбатлашди: 

– Ассамблеяда Ўзбекистон Президентининг чиқиш қилгани, нутқида долзарб масалаларга эътибор қаратгани менга жуда маъқул келди.

Бугун дунё бўйлаб глобал муаммога айланаётган иқлим ўзгариши ҳақида тўхталгани, бу йўналишдаги муаммолар ечимида парламент вакилларини фаолликка чақиргани айни муддао бўлди. Ҳақиқатан ҳам, муаммолар ечими учун қонуний асослар яратиш парламентарийлар қўлида. Биз бу йўлда ҳаракат қилишимиз ва бирлашишимиз керак. 

Ушбу Парламентлараро Иттифоқ ассамблеяси бунинг учун катта имконият ва замин яратиб берди. Юзлаб парламентлар вакиллари бир-бири билан яқиндан танишиб, фикр алмашди, ўзаро ҳамкорлик ўрнатиш ва уни самарали давом эттириш бўйича келишувларга эришилди. 

Ўзбекистонга илк бор келишим. Бу мамлакат менга жуда ҳам маъқул келди. Ёқимли иқлими, яшил табиати, беқиёс гуллари, айниқса, дўстона халқи менда жуда катта таассурот қолдирди. 

<iframe width="640" height="420" src="https://www.youtube.com/embed/K886JFGIQ3w" title="Pia Maria Viyenninger: Assambleya dunyodagi global muammolarga qarshi birgalikda kurashishga" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ўзбекистон ва Австрия парламентлари ҳамкорлиги мавжуд, яъни дўстлик гуруҳлари фаолият юритади. Бундан кейин ўзаро ҳамкорлигимиз кучлироқ тарзда давом этади. Делегациямиз билан Олий Мажлис Қонунчилик палатасига бориб, дўстларимиз билан шу ҳақда гаплашдик. Эътироф этиб ўтишим керакки, ўзбек парламенти аъзолари учун беқиёс шароитлар яратилган экан. Олий Мажлис биноси жуда муҳташам ва унда барча шароитлар яратилган. 

Норгул Абдураимова,

Дониёр Якубов (видео), Анвар Аҳмедов (монтаж), ЎзА