Ўзбекистон – Тожикистон сарҳадларида ҳаёт яна жонланди (+видео)
2018 йил Ўзбекистон ва Тожикистон ўртасида визасиз режим жорий қилиниб, кўп йил давомида ёпиқ турган чегаралар қайта очилди. Қарордан кейин бу ҳудудларда ижтимоий-иқтисодий фаоллик сезиларли даражада ошиб, яна ҳаёт қайнай бошлади.
Масалан, Тошкент вилояти Бекобод туманидаги “Ойбек” чегара-божхона постида ҳам мунтазам ва эркин ҳаракат таъминланган. Назорат жараёни соддалаштирилган, инфратузилма янгиланган. Ўтиб-қайтиш учун қулай шароит яратилгани аҳоли томонидан эътироф этилмоқда.
ЎзА ижодий гуруҳи ушбу манзилда бўлиб, ўзбек ва тожик фуқароларининг айни мавзудаги фикрларини ўрганди.
Айниқса, чегарага яқин яшайдиганлар учун бундай ўзгариш ҳаётий аҳамиятга эга. Қариндош-уруғ билан борди-келди тикланган, савдо-сотиқ фаоллашган, кичик бизнес имконияти кенгайган.
Ҳолат шундан далолат бермоқдаки, қайта тикланган Ўзбекистон – Тожикистон муносабати фақат транспорт ҳаракати эмас, балки икки қардош халқ ўртасидаги тарихий ва маънавий боғлиқлик янада мустаҳкамланишига хизмат қилмоқда.
Тўлиқ видеони ЎзАнинг “YouTube” каналида томоша қилишингиз мумкин.
<iframe width="560" height="315" src="https://www.youtube.com/embed/3K6_q3Pczmc?si=jeD0kQUELHX517ZB" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Дилшод Ҳакимов,
Дониёр Ёқубов (видео),
ЎзА
