Ўзбекистон ЖЧ-2026 билан хайрлашди: Дебют мундиал гуруҳда якунланди
Футбол бўйича XXIII Жаҳон чемпионати «К» гуруҳи 3-турида Ўзбекистон миллий терма жамоасининг Конго Демократик Республикасига қарши баҳси якунига етди.
Футбол бўйича XXIII Жаҳон чемпионати гуруҳ босқичининг 3-турида Ўзбекистон миллий терма жамоаси Конго Демократик Республикасига қарши баҳс олиб борди.
Мамлакатимиз футболи тарихидаги илк мундиалдаги сўнгги ўйинда терма жамоамиз 1:3 ҳисобида мағлубиятга учради. “К“ гуруҳининг иккинчи ўйинида Португалия ва Колумбия ўзаро рақобатлашди. Баҳсда ҳисоб очилмади.
Қайд этилган натижалардан сўнг, Колумбия 7 очко билан биринчи, Португалия эса 5 очко жамғариб, иккинчи ўрин соҳибига айланди. Конго Демократик Республикаси эса 4 очко билан учинчи ўринда плей-оффга чиқди. Ўзбекистон миллий терма жамоаси мусобақа билан хайрлашди.
Маълумот учун, Жаҳон чемпионатининг “L” гуруҳи 3-туридан ўрин олган Панама ва Англия баҳси инглизлар фойдасига 2:0 ҳисобида якунланди. Ўйиндаги голлар Жуд Беллингем ва Харри Кейн томонидан киритилди.
Шунингдек, гуруҳдаги иккинчи учрашувда Хорватия ва Гана тўқнаш келди. Мазкур баҳсда хорватиялик футболчилар 2:1 ҳисобида зафар қучди.
Шу тариқа, “L” гуруҳида Англия 7 очко билан гуруҳ пешқадамига айланган бўлса, Хорватия иккинчи ўриндан жой олди. Гана эса 4 очко билан учинчи ўрин соҳиби сифатида плей-оффга чиқди. Панама кетма-кет мағлубиятлар эвазига мундиални тарк этди.
Шу тариқа, Ўзбекистон терма жамоаси дебют Жаҳон чемпионатида гуруҳ босқичидан ўта олмади ва мусобақа билан хайрлашди.
Жавоҳир Тошхўжаев, ЎзА
