Олий Мажлиснинг Инсон ҳуқуқлари бўйича вакили (Омбудсман)нинг 2025 йилдаги фаолияти кўриб чиқилмоқда.

Ушбу масала юзасидан маъруза қилган Омбудсман Феруза Эшматова 57 нафар фуқаронинг меҳнат фаолияти билан боғлиқ ҳуқуқлари тикланганини таъкидлади.

Бузилган ҳуқуқларини тиклаш мақсадида аҳолининг заиф қатламига «pro bono" тарзда ёрдам кўрсатилди.

Яъни, судларга 88 ариза, даъво аризаси ва шикоят киритилди. Уларнинг адолатли кўриб чиқилиши натижасида фуқароларга амалий ёрдам кўрсатилди.

Аҳоли мурожаатларини кўриб чиқиш натижасида Омбудсман аралашуви билан фуқаролар манфаати учун 10 миллиард 575 миллион сўмдан ортиқ маблағ ундирилди. Шундан иш ҳақи ва меҳнат муносабатларига оид тўловлар 2 миллиард  306 миллион сўм ундирилди.  

Фуқароларга бузилган уй-жойи учун тўлаб берилган компенсация миқдори учун  3 миллиард  936 миллион сўм ундириб берилди.  

Норгул Абдураимова,  

Отабек Мирсоатов (сурат),  

ЎзА