Навоийда дзюдо бўйича халқаро хотира турнири бўлиб ўтди
ФОТОРЕПОРТАЖ
Навоий шаҳридаги "Суғдиёна" спорт саройида дзюдо бўйича ўсмир ўғил-қизлар ўртасида спорт устаси Исмоил Войидов хотирасига бағишланган II халқаро турнир бўлиб ўтди.
Мусобақада мамлакатимизнинг турли ҳудудларидан ташриф буюрган 400 нафардан ортиқ иқтидорли спортчи иштирок этиб, турли вазн тоифаларида ғолиблик учун баҳс олиб борди. Беллашувлар жараёнида ёш дзюдочиларнинг техник ва тактик маҳорати, спортга бўлган интилиши ҳамда юқори рақобатбардошлиги яққол намоён бўлди.
[gallery-28984]
Мусобақа якунига кўра, ўз вазн тоифаларида юқори натижа қайд этган ғолиб ва совриндорлар диплом, медаль ҳамда эсдалик совғалари билан тақдирланди.
Сирож АСЛОНОВ (сурат), ЎзА
