Москва Россия-АҚШ музокараларига баҳо берди (+видео)
Россия Ташқи ишлар вазирлиги АҚШ билан Украина бўйича олиб борилаётган музокаралар секин кечаётганини, бироқ тўғри йўналишда давом этаётганини маълум қилди. Вазирлик расмий вакили Мария Захарованинг баёнотига кўра, музокаралар жараёнига ташқи омиллар салбий таъсир кўрсатмоқда.
Яъни, Захарова айрим Ғарбий Европа давлатлари ва Буюк Британияни дипломатик саъй-ҳаракатларни издан чиқаришга уринишда айблади. Унинг таъкидлашича, Москва АҚШ билан алоқаларда музокаралар боришини ташқи босимдан ҳимоя қилиш зарурлигини доим кўтариб келмоқда.
Россия томони август ойида Аляскада бўлиб ўтган Россия–АҚШ саммитида эришилган келишувлар асосида ишни давом эттиришга тайёр эканини билдирди. Шу билан бирга, ТИВ вакили Европа давлатлари Украинадаги можарони тинч йўл билан ҳал этишдан манфаатдор эмаслигини, улар кескинликнинг сақланиб қолишини қўллаб-қувватлаётганини айтди.
Захарованинг баёнотида, томонлар дипломатик йўллар орқали гуманитар масалалар, маҳбуслар алмашинуви ҳамда можаронинг кенгайиб кетишининг олдини олишга қаратилган чораларни муҳокама қилмоқда.
Москва музокараларнинг фақат икки томонлама шаклда эмас, балки халқаро кафолатлар ва хавфсизлик механизмлари асосида давом этиши кераклигини таъкидламоқда.
Россия расмийларига кўра, барқарор келишувга эришиш учун можаро сабабларини бартараф этиш асосий шарт ҳисобланади.
<iframe width="640" height="420" src="https://www.youtube.com/embed/2B5vYoKcmNE" title="Moskva Rossiya-AQSH muzokaralariga baho berdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe> Кенжа Бекжонов, Анвархўжа Аҳмедов (видео), ЎзА
