Көпқабатты тұрғын үйлерді басқару саласында Жапониямен ынтымақтастық дамытылады
Ташкент қаласы әкімдігінде Жапонияның бірқатар беделді компанияларының өкілдерімен көпқабатты тұрғын үйлерді басқару саласындағы ынтымақтастық дамуы талқыланды.
Кездесу барысында көпқабатты тұрғын үйлерді басқару жүйесін одан әрі дамыту, тұрғын үй-коммуналдық қызметтердің сапасын арттыру, тұрғын үй қорын тиімді пайдалану, ғимараттардың энергия тиімділігін күшейту және тұрғындар үшін қолайлы әрі қауіпсіз өмір сүру ортасын қалыптастыру мәселелері бойынша пікір алмасты.
Сондай-ақ басқару үдерістерін цифрландыру, басқарушы ұйымдардың қызметін жетілдіру, энергия үнемдейтін технологияларды енгізу және көппәтерлі тұрғын үй қорын басқарудағы халықаралық тәжірибені зерделеу мәселелеріне ерекше назар аударылды.
Жапон тарапы аталған бағытта қолданылып жүрген заманауи тәсілдер туралы ақпарат беріп, тәжірибе алмасуға және кәсіби ынтымақтастықты дамытуға дайын екенін жеткізді.
Кездесу соңында тараптар өзара тиімді бағыттар бойынша диалогті жалғастыру, бірлескен бастамаларды жүзеге асыру мүмкіндіктерін зерделеу және ынтымақтастықты жүйелі түрде дамыту жөнінде уағдаласты.
