Жаһан шахмат тәжі: Синдоров пен Гукеш бәсекесінің қашан өтетіні белгілі болды
2026 жылғы «FIDE World Chess Championship 2026» шахмат әлемінің жаңа чемпионын анықтайды. Онда қазіргі әлем чемпионы Гукеш Доммаражуға (Үндістан) қарсылас ретінде Өзбекстан өкілі Жавохир Синдоров басқ сынайды. Бұл кездесу тарихтағы ең жас финал ретінде тіркелмек — екі шахматшы небәрі 20 жаста.
Турнир 2026 жылдың 23 қарашасы мен 17 желтоқсаны аралығында өтеді деп жоспарланған. Қазіргі уақытта FIDE жарысты қабылдайтын елді анықтау үшін өтінім қабылдауды жариялаған.
Жарыстың жалпы бюджеті шамамен 8,5 миллион долларды құрайды. Оның ішінде шахматшылар арасында бөлінетін жүлде қорының ең төменгі мөлшері 2,5 миллион доллар болады. Турнирді ұйымдастыру мен бақылауға арналған FIDE төлемі 1,1 миллион долларды құрайды.
Бәсеке 14 классикалық партиядан тұрады, сонымен қатар демалыс күндері мен тең нәтиже тіркелген жағдайда тай-брейктер өткізіледі. Жалпы ойын ұзақтығы орта есеппен 25 күнге созылады.
Бұл тартыс тек шахмат тарихы үшін ғана емес, жаңа буын көшбасшыларының қалыптасып келе жатқанын көрсететін маңызды оқиға болмақ. Синдоровтың финалға шығуы Өзбекстан шахмат мектебінің беделін арттырса, Гукеш өз чемпиондық атағын сақтап қалуға тырысатын болады.
