Кириб келган янги - 2025 йил муносабати билан Ўзбекистон Республикаси Президенти Шавкат Мирзиёев номига хорижий давлатлар, парламентлар ва ҳукуматлар, нуфузли халқаро ва минтақавий ташкилотлар, глобал молиявий институтлар раҳбарлари, таниқли сиёсатчилар, жамоат ва дин арбобларидан самимий табрик ва тилаклар келмоқда.

Халқаро ҳамкорлар ўз қутловларида мамлакатимиз етакчиси раҳбарлигида Янги Ўзбекистонда сиёсий янгиланишлар ва ижтимоий-иқтисодий ислоҳотлар дастури муваффақиятли амалга оширилаётгани, давлатнинг жаҳон миқёсидаги нуфузи ва мавқеини мустаҳкамлашга хизмат қиладиган фаол, конструктив ва прагматик ташқи сиёсат олиб борилаётганини қайд этмоқда.

Хорижий етакчилар Ўзбекистон Президенти ва кўп миллатли халқига тинчлик-осойишталик, бахт-саодат, фаровонлик, катта муваффақиятлар ва равнақ тилакларини изҳор этмоқда.

 

Жумладан, қуйидагилар ўз табрикларини йўллаган:

Бирлашган Миллатлар Ташкилоти Бош котиби Антониу Гутерриш;

Россия Федерацияси Президенти Владимир Путин;

Хитой Халқ Республикаси Раиси Си Цзиньпин;

Қозоғистон Республикаси Президенти Қасим-Жомарт Тоқаев;

Қирғиз Республикаси Президенти Садир Жапаров;

Тожикистон Республикаси Президенти Эмомали Раҳмон;

Туркманистон Президенти Сердар Бердимуҳамедов;

Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов;

Озарбайжон Республикаси Президенти Илҳом Алиев;

Беларусь Республикаси Президенти Александр Лукашенко;

Арманистон Республикаси Бош вазири Никол Пашинян;

Қозоғистон Республикасининг биринчи Президенти Нурсултон Назарбоев;

Туркия Республикаси Президенти Режеп Таййип Эрдоған;

Япония Бош вазири Сигэру Исиба;

Ҳиндистон Республикаси Бош вазири Нарендра Моди;

Буюк Британия ва Шимолий Ирландия Бирлашган Қироллиги Бош вазири Кир Стармер;

Бирлашган Араб Амирликлари Президенти Шайх Муҳаммад бин Зоид Ол Наҳаён;

Миср Араб Республикаси Президенти Абдулфаттоҳ ас-Сиси;

Эрон Ислом Республикаси Президенти Масъуд Пезешкиён;

Мўғулистон Президенти Ухнаагийн Хурэлсух;

Кувайт Давлати Амири Мишъал ал-Аҳмад ал-Жобир ас-Сабоҳ;

Индонезия Республикаси Президенти Прабово Субианто;

Жазоир Халқ Демократик Республикаси Президенти Абдулмажид Теббун;

Испания Қироли Филипп VI;

Иордания Ҳошимийлар Подшоҳлиги Подшоҳи Абдулла II;

Бруней Султони Ҳожи Ҳассанал Болкиях; 

Фаластин Давлати Президенти Маҳмуд Аббос;

Венгрия Президенти Тамаш Шуйок;

Латвия Республикаси Президенти Эдгарс Ринкевичс;

Бирлашган Араб Амирликлари Вице-президенти, Бош вазири, Дубай амирлиги ҳокими Шайх Муҳаммад бин Рошид Ол Мактум;

Бирлашган Араб Амирликлари Вице-президенти Шайх Мансур бин Зоид Ол Наҳаён;

Бирлашган Араб Амирликлари Бош вазири ўринбосари, ички ишлар вазири Шайх Сайф бин Зоид Ол Наҳаён;

ЮНЕСКО бош директори Одри Азуле;

ХАЭА бош директори Рафаэль Гросси;

Шанхай ҳамкорлик ташкилоти бош котиби Чжан Мин;

Мустақил Давлатлар Ҳамдўстлиги бош котиби Сергей Лебедев;

Туркий давлатлар ташкилоти бош котиби Кубаничбек Омуралиев;

Иқтисодий ҳамкорлик ташкилоти бош котиби Асад Хон;

Жаҳон банки президенти Ажай Банга;

Европа тикланиш ва тараққиёт банки президенти Одиль Рено-Бассо;

Осиё тараққиёт банки президенти Масацугу Асакава;

Осиё инфратузилмавий инвестициялар банки президенти Цзинь Лицюнь;

Қишлоқ хўжалигини ривожлантириш халқаро фонди президенти Альваро Ларио.