“GLOBAL TOUR 2026”: 7-босқич ғолиблари аниқланди

Тошкентдаги “Universal Horses Stable” от спорти мажмуасида Ўзбекистон Республикаси мустақиллигининг 35 йиллигига бағишланган “GLOBAL TOUR 2026” мусобақалар сериясининг 7-босқичи ўтказилди.

Конкур йўналишидаги баҳсларда турли тоифадаги чавандозлар белгиланган йўналишларда ўз маҳоратларини намойиш қилди. Мусобақа якунига кўра, А тоифасида Дилшод Шокиров “Quintus” лақабли от билан ғолиб бўлди.

B тоифасида Мирзоҳид Мусаев “Pirana” билан биринчи, “Mylord” билан иккинчи ўринни эгаллади. Ҳумоюн Абдуллаев “United Touch” лақабли отида учинчи бўлди.

C тоифасида Миродил Миршавкатов (“Risotto”) ғолибликни қўлга киритди. Севинч Назарова (“Leffe”) иккинчи, Жалил Собиров (“Wayland II”) учинчи ўринни эгаллади.

E тоифасида Жасурбек Ҳотамбеков (“Ragnar”) биринчи ўринни олган бўлса, Мумтозбегим Ҳакимова (“Golden Star”) ва Мирзоҳид Мусаев (“Coralla”) совриндорлар қаторидан жой олди.

F тоифасида бошланғич даражадаги чавандозлар ўртасида Нигина Жўрақулова (“Yangtze”) ғолиб бўлди. Ҳасан Нодиров (“The Good Boy”) иккинчи, Сардор Ўринбоев (“El Verano”) учинчи натижани қайд этди.

Бошланғич даражадаги отлар ўртасидаги баҳсларда эса Улуғбек Усмонов (“Champions League 2”) биринчи, Аъзам Толиббоев (“Cornado”) иккинчи, Баҳодир Қодиржонов (“Silver Star”) учинчи ўринни эгаллади.

Жавоҳир Тошхўжаев,

ЎзА