Глобал меҳнат бозори ҳолати инфографикада
Иқтисодий тадқиқотлар ва ислоҳотлар маркази Gallupнинг “Глобал меҳнат бозорининг ҳолати” номли йиллик глобал ҳисоботини таҳлил қилди. Унда бандлик шароитлари, ходимларнинг жалб этилганлиги, уларнинг фаровонлиги, эмоционал ҳолати ва меҳнат бозорини қандай қабул қилиши ўрганилган.
Ходимларнинг жалб этилганлиги (ички мотивацияси) уларнинг ўз ишига, жамоасига ва иш берувчисига бўлган психологик боғлиқлигини акс эттиради. Бу, шунингдек, ташкилот натижаларига ҳисса қўшишга тайёрликни ҳам ўз ичига олади. Gallup жалб этилганлик билан меҳнат унумдорлиги ўртасида тўғридан-тўғри боғлиқлик борлигини таъкидлайди, бу эса ўз навбатида бизнес кўрсаткичларига, жумладан фойдалилик ва сотув ҳажмига таъсир қилади..
2025 йилда ходимларнинг глобал жалб этилганлик даражаси 20% ни ташкил этди, бу эса 2020 йилдан бери энг паст кўрсаткич ҳисобланади.
Бунинг сабаблари ва натижаси ўрганилганда,
◀️64% ходимлар мотивациясиз бўлиб қолмоқда
◀️16% ходимлар фаол равишда мотивациясиз бўлиб, ишдан онгли равишда узоқлашишни намоён қилмоқда
◀️Паст жалб этилганлик туфайли жаҳон иқтисодиёти йўқотишлари $10 триллионга баҳоланмоқда, бу тахминан жаҳон ялпи ички маҳсулотнинг 9% ига тенг эканлиги маълум бўлди.
Сунъий интеллектни ҳам ўз ичига олган технологиялар фаол жорий этилаётганига қарамасдан, кутилган самарадорлик ўсиши кузатилмаяпти.
Бу бўйича маълумотлар ўрганилганида
🔼65% ходимлар шахсий самарадорлиги ошганини таъкидламоқда
🔽бироқ 89% компаниялар умумий самарадорлик ошганини қайд этмаяпти
🔽95% ҳолатда фойдага таъсир кузатилмаяпти
🔼Фақат 12% ходимлар сунъий интеллект уларнинг иш жараёнларини сезиларли даражада ўзгартирган деб ҳисоблаётгани маълум бўлди.
<iframe width="1188" height="668" src="https://www.youtube.com/embed/Tp2_ylabW14" title="Global mehnat bozori holati infografikada" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Искандар Исматов, ЎзА
