Эрон билан сулҳдан сўнг нефть нархлари пасаймоқда (+видео)
АҚШ ва Эрон икки ҳафталик ўт очишни тўхтатишга келишиб, Ҳурмуз бўғози орқали кемалар ҳаракатини тиклашни назарда тутганидан сўнг нефть нархлари пастга тушиб кетди, деб хабар берди Euronews.
Нефть нархлари тушган, бироқ трейдерлар сулҳ барқарор бўлиш-бўлмаслигини кутиб, ҳали ҳам жараёнларга эҳтиёткор муносабатда бўлмоқда.
Бозорлардаги кескин ўзгаришлар АҚШ президенти Дональд Трамп Эрондаги кўприклар, электр станциялари ва бошқа фуқаролик инфратузилмасига зарба бериш режасини кечиктирганини маълум қилганидан сўнг юз берди.
Эрон ташқи ишлар вазири яқин икки ҳафта давомида Ҳурмуз бўғози очиқ бўлишини ва у Эрон ҳарбийлари назорати остида қолишини тасдиқлади.
Ўт очишни тўхтатиш хабари бозорлардаги хавотирларни тўлиқ йўқотди дейиш қийин. Масалан, чоршанбага ўтар кечаси Исроил, Эрон ва Форс кўрфази минтақасида ҳужумлар ҳақида хабарлар келиб тушган. Томонлардан ҳеч бири сулҳ қачон расман кучга киришини аниқ айтмаган.
Асосий хавотир эса барибир сақланиб қолмоқда. Агар Форс кўрфази давлатларидан нефть етказиб бериш узоқ вақтга издан чиқса, энергия нархлари юқори даражада қолиб кетиши ва жаҳон иқтисодиётида янги инфляция тўлқинини келтириб чиқариши мумкин.
<iframe width="650" height="420" src="https://www.youtube.com/embed/L7k8gIXMh0s" title="Eron bilan sulhdan so‘ng neft narxlari pasaymoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Анвархўжа Аҳмедов, ЎзА
