Дунё саҳнасини забт этаётган Ясмина (+видео)
Яқинда 11 ёшли ўзбек вокалисти Ясмина Ҳусниддинова “Britain’s Got Talent” истеъдодлар шоусида юртимиз номидан иштирок этиб, энг мураккаб композициялардан бири – “Never Enough” қўшиғини ижро этди ва ҳакамлар эътирофига сазовор бўлди.
Унинг ЎзАга айтишича, саҳнага чиқиш олдидан бироз ҳаяжонланган, лекин куйлашни бошлагач, бу ҳислар йўқолган. Ҳакамлар “ҳа” деган пайтда эса жуда қувончли ва ҳаяжонли бўлганини таъкидлади.
Қаҳрамонимиз келажакда катта саҳналарда ижод қилишни давом эттириш, янги мусиқий лойиҳаларда иштирок этиш ва халқаро мусиқий майдонда Ўзбекистон номини янада юксалтиришни мақсад қилган.
Ясмина учун бу биринчи муваффақият эмас. 2024 йилда у “Овоз. Болалар” биринчи мавсумида иштирок этиб, учинчи ўринни эгаллаган. Айнан шу йили Беларуснинг “Славянский базар – Витебск 2024” фестивалида мутлақ ғолибликни қўлга киритган. Шунингдек, у Италияда ўтказилган “Sanremo Junior 2025” танловида Гран-при соҳибаси бўлган.
Эндиликда ёш истеъдод эгаси бутун дунё бўйлаб миллионлаб томошабинлар кузатиб борадиган Буюк Британия шоусининг бош соврини учун курашни давом эттиради.
Ушбу суҳбатни ЎзАнинг “YouTube” каналида кўришингиз мумкин.
<iframe width="650" height="420" src="https://www.youtube.com/embed/0gJTUZjddqY" title="Dunyo sahnasini zabt etayotgan Yasmina" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Фардона Яхшибоева, Искандар Исматов (видеомуҳандис), ЎзА
