Юртимизда 2025 йил — "Атроф-муҳитни асраш ва "яшил" иқтисодиёт йили" давлат дастури лойиҳаси кенг жамоатчилик томонидан муҳокама қилинмоқда. 22 январга қадар давом этадиган муҳокамаларда ушбу дастуриламал ҳужжатни янада такомиллаштириш, пухта ва пишиқ ҳолга келтириш бўйича турли таклифлар билдирилмоқда.

Мазкур жараёнда Олий Мажлис Қонунчилик палатаси депутатлари ҳам фаол иштирок этаяпти. Халқ вакиллари давлат дастури лойиҳасидан ўрин олган устувор мақсад-вазифаларни эътироф этган ҳолда ўз таклифларини ҳам тақдим этишмоқда. 

— Давлат дастури лойиҳасида ҳар бир соҳа эътиборга олинган ва барчаси яшиллик масалалари билан уйғун экани эътиборга молик, — дейди Олий Мажлис Қонунчилик палатаси депутати Зуҳра Мирғозиева. — Жумладан, ҳужжатда 5 та асосий йўналиш, 295 та чора-тадбир ҳамда 87 та норматив-ҳуқуқий ҳужжатлар рўйхати киритилган. Ушбу вазифалар ижросини таъминлашда нафақат давлат ташкилотлари, тегишли масъуллар ва депутатлар, балки кенг жамоатчилик вакиллари, халқимизнинг иштироки назарда тутилган ва унда фаол қатнашганларни рағбатлантириш тизими белгиланяпти. 

Дастурда барча партияларнинг ғоя ва таклифлари ҳам инобатга олинган. Масалан, Ўзбекистон “Миллий тикланиш” демократик партиясининг таълим, туризм, ҳунармандчилик каби йўналишлардаги таклифлари ва ғоялари ўрин олган. 

Шунингдек, биз депутатлар олдида ҳам муҳим вазифалар кўрсатиб ўтилган. Масалан, йил номидан келиб чиқиб, бир қатор қонун лойиҳаларини ишлаб чиқиш ва қабул қилиш вазифалари белгилаб берилган. 

<iframe width="650" height="420" src="https://www.youtube.com/embed/xiuM4i29IVM" title="Davlat dasturida deputatlarga qanday vazifalar belgilangan?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳтарама Комилова, Дониёр Ёқубов, Улуғбек Тўхтаев (видео), ЎзА