Бразилияда йўловчи автобуси ва юк машинаси тўқнашуви оқибатида 11 киши ҳалок бўлди, 45 киши жароҳатланди. Бу ҳақда "Reuters" маълум қилди.

Маҳаллий ОАВ маълумотига кўра, Куяба шаҳридан йўлга чиққан автобус Лукас-ду-Риу-Верде шаҳри яқинида пахта ортилган юк машинасига урилган.

Тан жароҳати олганлардан 11 нафарининг аҳволи оғир.

Воқеа жойига кўплаб тез ёрдам машиналари, ўт ўчириш жамоалари етиб келган.

Фожиа сабабини аниқлаш бўйича тергов бошланган.