Болалар заҳарланиши бўйича жиноят иши қўзғатилди(+видео)

Шу йил 20 февраль куни Фарғона шаҳридаги бир неча мактабгача таълим муассасаларида заҳарланган 70 дан ортиқ бола юқумли касалликлар шифохонасига ётқизилгани, улар иситмалаб қайд қилаётгани ва ич кетиши ҳақидаги хабар тарқалган эди. Ота-оналарнинг фикрича, заҳарланиш озиқ-овқатдан бўлган.

– Уч нафар бемор бола реанимация бўлимига ётқизилган. Лекин аҳволи яхши, – дейди масъул шифокор.

Болалар боғчаларини озиқ-овқат билан Қувасойдаги “Garden catering Trade” МЧЖ кейтеринг усулида таъминлайди.

Фарғона вилоят ИИББ ахборот хизматининг хабар беришича, ҳозир вазият Фарғона вилоят прокуратураси, ИИББ ҳамда бошқа мутасадди идораларнинг маъсуллари томонидан тўлиқ ўрганилмоқда.

Мазкур ҳолат юзасидан Фарғона шаҳар ИИБ томонидан Ўзбекистон Республикаси ЖКнинг 257¹-моддаси билан жиноят иши қўзғатилиб, барча тегишли турдаги экспертизалар тайинланган ҳолда дастлабки тергов ҳаракатлари олиб борилмоқда.

<iframe width="650" height="420" src="https://www.youtube.com/embed/X9jufbAzho8" title="Bolalar zaharlanishi bo`yicha jinoyat ishi qo`zg`atildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳаммаджон Обидов, Элёр Олимов (видео, сурат), ЎзА