Атиги уч соат: юз ёшли отахон Президент билан суҳбатдан сўнг автомобиль соҳибига айланди (+видео)

9 май – Хотира ва қадрлаш куни

Бугунги кун бекободлик  юз ёшли Ҳасанбой ота Халматовнинг фарзандлари хотирасида ёрқин саҳифа бўлиб муҳрланди.  

Ҳаммаси Қуролли Кучлар Бош ҳарбий клиник госпиталидаги самимий мулоқотдан бошланди. Давлат раҳбари бу ерда Иккинчи жаҳон уруши қатнашчилари ва меҳнат фронти фахрийлари билан суҳбатлашди.

Бу мулоқотда Ҳасанбой ота ҳам бор эди. Президент Шавкат Мирзиёев аср билан юзлашган нуронийнинг қўлини тутиб, кўрсатган жасорати учун миннатдорлик билдирди.

[gallery-29305]

Давлатимиз раҳбари билан хайрлашувдан кўп ўтмай, Ҳасанбой отага Президент совғаси – энг замонавий электромобиль калити топширилди.  

Аслида, бу ерда гап фақат қимматбаҳо улов ҳақида кетмаяпти. Бу мамлакатимизда инсон қадрини улуғлашнинг, юрт тинчлиги ва келажаги учун қаҳрамонлик кўрсатган инсонларга бўлган чексиз эҳтиромнинг ёрқин намунаси саналади.  

Ҳасанбой ота дуога қўл очар экан, осмони мусаффо, инсон қадри улуғ юртда яшаётгани учун шукроналар айтди.

Ушбу қувончли воқеа муносабати билан ташкил этилган тадбирда Тошкент вилояти ҳокими Зойир Мирзаев, жамоатчилик вакиллари ва ёшлар иштирок этди.

<iframe width="650" height="420" src="https://www.youtube.com/embed/qtZws4OcMg8" title="Atigi uch soat: yuz yoshli otaxon Prezident bilan suhbatdan so‘ng avtomobil sohibiga aylandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Икром АВВАЛБОЕВ, Носиржон ҲАЙДАРОВ (сурат), ЎзА мухбирлари