Дональд Трамп 14 давлат, жумладан Япония ва Жанубий Кореяга мактуб йўллаб, мамлакат импортига юқори бож жорий этиш расман кечиктирилганини маълум қилди, деб ёзмоқда BBC. Юқори тариф 9 июлдан кучга кириши керак эди.

АҚШ Президенти бу икки давлатдан кириб келувчи маҳсулотларга 25 фоиз солиқ солинишини айтиб, яна бир бор таҳдид қилди.

Токио ўтган йил Қўшма Штатларга жами 148 миллиард долларлик маҳсулот юбориб, Европа Иттифоқи, Мексика, Хитой ва Канададан кейин Американинг бешинчи йирик импортчисига айланди. Сеул эса кучли ўнликка кирган.

Бундан ташқари Мьянма ва Лаосга 40, Таиланд ва Камбожага 36, Сербия ва Бангладешга 35, Индонезияга 32, Жанубий Африкага 30, Малайзия ва Тунис товарларига 36 фоиз бож қўйиш эҳтимоли мавжуд.

Мусулмон Зиё, ЎзА