АҚШ денгиз флотининг собиқ адмирали Атлантида чўкиб кетган жойни топганини даъво қилмоқда
АҚШ денгиз флотининг истеъфодаги адмирали Тим Галлодет Атлантика океанида афсонавий Атлантида чўкиб кетган жойни топганини даъво қилган.
“Daily Mail” газетаси хабар беришича, манзилнинг тавсифи қадимги юнон файласуфи Платон битигига мос келади.
– Атлантика океанида Атлантида жойлашган ҳудудни топдик, деб ҳисоблаймиз..., деб ёзди Галлодет газетада эълон қилган мақоласида. – Кўпгина топографик хусусиятлар Платон бу жойни қандай таърифлаган бўлса, шунга тўлиқ мос.
Галлодет Атлантида чўкиб кетган манзилнинг аниқ жойлашувини айтишдан бош тортган. Ўзи таъкидлашича, собиқ адмирал ошкор қилмаслик тўғрисидаги битимни имзолаган экан.
Шунингдек, ҳозирги мунозара тасдиқланган кашфиёт ҳақида эмас, балки қидириш мумкин бўлган ҳудудни аниқлаш ҳақидалигини таъкидлайди. Газета Платонга иқтибос келтирган ҳолда, Атлантидани бир кун-у бир кечада кучли зилзила ва сув тошқини туфайли ғойиб бўлган бой орол империяси сифатида таърифлаган.
С.Раҳимов, ЎзА
