Әзірбайжан қорғаныс министрлігінің бөлім бастығы қамауға алынды
Әзірбайжан Қорғаныс министрлігі Қаржы және бюджет департаментінің бастығы, генерал-майор Низами Мамедов қамауға алынды
Trend Baku агенттігінің хабарлауынша, Низами Мамедов бюджет қаражатын заңсыз пайдаланған. Ол 80,6 миллион манат (шамамен 47,4 миллион доллар) жымқырды деп айыпталуда.
Сот шешімімен Мамедов төрт айға қамауға алынған. «Оған қатысты қылмыстық істі Әзірбайжанның Мемлекеттік қауіпсіздік қызметі жүргізіп жатыр», - деп хабарлаған агенттік.