2023 жылдың 7 ақпанында Әзірбайжанда ел президенттігіне кезектен тыс сайлау өтеді деп жоспарланған. Қазіргі уақытта шетелде, соның ішінде Өзбекстанда тұратын әзірбайжандықтар да ел болашағына лайықты үміткерге дауыс беруде.

Осынау маңызды саяси шараны ұйымдастыру үшін осы бауырлас елдің Өзбекстандағы елшілігінде құрылған арнайы сайлау учаскесі таңнан жұмысын бастады. Ташкент уақытымен таңғы сағат 8:00-ден бастап Өзбекстанға жұмыс істеуге, оқуға немесе кәсіпкерлікпен айналысуға келген, іссапармен және басқа да мақсатпен осында жүрген Әзірбайжан азаматтары елшілік ғимаратына келіп, өздері таңдаған кандидатты қолдау үшін дауыс беруде.

Елшілік өкілінің айтуынша, бұл сайлауға қатысуға құқығы бар 300-ден астам сайлаушы тіркелген. Әзірге олардың 200-ден астамы өз таңдауын жасаған.

Айта кетейік, Әзірбайжан президенттігіне жеті үміткер, оның ішінде қазіргі мемлекет басшысы Ильхам Әлиев те бар.

Ғ.Хонназаров, ӨзА