Әзірбайжанның ақпарат саласы өкілдерінен құралған делегация Өзбекстанда сапармен жүр. Сапар барысында қонақтар Өзбекстан Ұлттық ақпарат агенттігінің басшылығымен де кездесті. ӨзА бас директоры Абдусаид Кучимов Әзірбайжанның жетекші ақпарат агенттігі – АзерТАЖ басқарма төрағасы Вугар Әлиев пен БАҚ-ты дамыту агенттігінің атқарушы директоры Ахмед Исмаиловты қабылдады.

Тараптар өзара қарым-қатынастардың қазіргі жағдайы мен перспективаларын талқылау барысында екіжақты, көпжақты ынтымақтастықтың өзекті аспектілерін егжей-тегжейлі сөз етіп, ӨзА мен АзерТАЖ арасындағы ежелден келе жатқан дәстүрге айналған қарым-қатынастарды заманауи тенденцияларға сай дамыту қауымдастықтар үшін тиімді екені мақұлданды.

А.Кучимов ынтымақтастықтың қазіргі жағдайы көңіл көншітпейтінін, ең бастысы екі жақтың да әріптестік аясын кеңейтуге ынталы екенін айта келе, бұл аспект қарым-қатынастарды жоғары деңгейге жеткізуде маңызды фактор болатынына сенім білдірді. 

– Өзбекстан Ұлттық ақпарат агенттігі мен «АзерТАЖ» арасындағы қарым-қатынастың тарихы тереңде жатыр. Сонымен қатар, бүгінгі күннің талабына сүйене отырып, қарым-қатынастарымызды қайта қарап, жаңа деңгейге көтеру қажеттілігі туындап отыр. Бұған дейін де бірнеше рет келгеніміз рас. Енді бұл кездесулерді жүйелі түрге өткізуіміз керек. Әрине, бірінші кезекте жылдам әрі шынайы ақпарат алмасу басты мақсатымыз болмақ. Өйткені, ӨзА мен АзерТАЖ елдеріміздің жетекші ресми ақпарат агенттіктері ретінде байырғы бауырлас өзбек пен әзірбайжан халқының бүгінгі күні де бір-бірінен үнемі хабардар болып отыруына жауапты. Кейінгі уақыттарда әлеуметтік желілер арқылы түрлі сенімді және сенімсіз хабарламалар мен ақпараттар тарату жағдайлары жиі кездеседі. Қарқынды даму сатысына көтерілген елдеріміз арасындағы жылы қарым-қатынастың бүгінгі жағдайына сүйене отырып, біз бірігіп, жүйелі ынтымақтастық орнату арқылы ғана мұндай келеңсіз жағдайлармен тиімді күресе аламыз. Өзбекстан Ұлттық ақпарат агенттігінің бұл бағытта бірегей тәжірибесі бар екенін жақсы білеміз. Әріптестікті тереңдету барысында біз осы бағыттағы ӨзА-да белгіленген жұмыс әдісін зерделеуді көздеп отырмыз. Жалпы, қызметкерлеріміздің тәжірибесін, біліктілігін арттыруға бағытталған іс-шараларды әзірлеу болашақтағы ынтымақтастығымыздың маңызды аспектілерінің бірі болып табылады.

ӨзА мен АзерТАЖ басшылары жақын арада агенттіктер арасында жаңа келісімге қол қоюға келісті.