Зомин тумани Ширин қишлоқ фуқаролар йиғинида истиқомат қилувчи опа-ука Т. Г. (2006 йил туғилган) ва Т. Ф. (2011) сойдан келаётган селда оқиб кетди. Бу ҳақда Жиззах вилояти ИИБ матбуот хизмати хабар қилди.

Хабар қилинишича, опа-ука озиқ-овқат маҳсулотлари дўконига чиққан. Улар қишлоқ ҳудудидан оқиб ўтувчи сойдан ўтаётган вақтда сел келиб, оқизиб кетган.

Т. Ф.нинг сой бўйида жасади топилган. Т.Г. эса ҳушсиз ҳолда туман тиббиёт бирлашмасига келтирилган. Бироқ кўрсатилган муолажага қарамасдан ҳаётдан кўз юмди.