Хабарингиз бор, Франция пойтахти Париж шаҳрида XVII ёзги Паралимпия ўйинларининг илк куни делегациямиз учун муваффақиятли бошланди.

Аниқроғи, Паралимпия ўйинларининг пара таэквондо WT бўйича аёллар ўртасида K44 таснифида вазни 47 килограммгача бўлган ҳамюртимиз Зиёдахон Исоқова ярим финал босқичида таиландлик Хвансуда Пуангкитча устидан зафар қучди ва финал босқичига йўл олди. Бу дегани таэквондочимиз ҳисобида камида кумуш медаль бор, дегани. 

Энди Зиёдахон Исоқова сўнгги ҳал қилувчи финал беллашувида перулик Анжелика Леонор Эспиноза Карранзага қарши рингга чиқади. Мазкур баҳс мамлакатимиз вақти билан соат 23:34 дан сўнг бошланади.

Жавоҳир Тошхўжаев, ЎзА