«Реал Мадридтің» 48 жастағы жаттықтырушысы Зинедин Зиданға коронавирус диагнозы қойылды.

Мадридтік клубтың ресми сайтындағы ақпаратқа сай, «Біздің жаттықтырушы Зинедин Зидан COVID-19 сынамасына тапсырған тест наәтижесі оның індет жұқтырғанын көрсетті», - делінген. Француздық бапкердің қай жағдайда оны жұқтырғаны туралы толық ақпарат берілмеген.

«Реалдың» келесі ойыны ертең, 23 қаңтарда өтеді деп жоспарланған. Команда Испания чемпионатындағы 19 тур аясында «Алавеске» қарсы алаңға шығады.