Зимбабвенің Шығыс Машоналенд провинциясында елдің Agusta Bell 412 әскери-әуе күштерінің тікұшағы апатқа ұшырады.

iHarare порталы елдің әуе күштерінің баспасөз мәліметіне сілтеме жасап хабарлауынша, оқиға салдарынан төрт адам қаза тапқан.

«Тікұшақ үйге соғылуы нәтижесінде, екі ұшқыш пен бір техник, сондай-ақ жердегі баланың өлімі орын алды. Одан бөлек бір қыз бен анасы апат салдарынан шыққан өрттен күйіп ауруханаға түсті», - делінген хабарламада.

Тікұшақтың құлауының себебі әзірше белгісіз.

Африка елінің әуе күштері қолбасшылығы ескірген жабдықтарға байланысты бірнеше рет шағымданған, алайда батыстың санкцияларына байланысты жаңа жабдықтар сатып алу қиынға соғуда.