Зимбабве президенті Эммерсон Мнангагваны тасымалдауы тиіс болған тікұшақ ұшқаннан кейін көп ұзамай құлап түсті.

ZBC телеарнасының хабарлауынша, апат кезінде тікұшақ бортында президент болмаған, экипаж мүшелері аман қалған. 

Оқиға 15 қыркүйекте (сол күні президенттің туған күні) елдің оңтүстігінде, ежелгі Мунумутапа империясына арналған мереке күні болған.

Мерекеге президент Эммерсон Мнангагва мен жұбайы Оксилия, вице-президент Кембо Мохади, қорғаныс министрі Оппа Мучингури-Кашири және басқа да жоғары лауазымды тұлғалар қатысқан.

Алдын ала мәліметтер бойынша, тікұшақтың құлауы техникалық ақаумен байланысты болуы мүмкін. Зимбабве азаматтық авиация басқармасы оқиғаға қатысты тергеу бастаған.