Зинедин Зидан “Қироллик клуби” раҳбариятини натижалар қандай бўлишидан қатъи назар, келаси йилнинг ёзида ўз ишини топшириши ҳақида огоҳлантирган.

Франциялик мутахассиснинг бу қарорга келишига сабаб, клубда ўзини ноқулай ҳис қилаётгани ва “Реал” раҳбарияти янги мавсум олдидан унга берган ваъдаларини бажармагани айтилмоқда. Зидан ва "Реал" мутассадилари келишувга кўра, ёзги трансферлар вақтида Зиданга ўзи сўраган футболчилар – Садио Мане, Поль Погба ва Эдуардо Камавингани олиб беришни ваъда қилишган. Бироқ, “Қироллик клуби” ёзги трансферлар вақтида бирорта ҳам харидни  амалга оширмади.  

Клуб хўжайини Флорентино Перес ҳам Зинедин Зиданнинг кетишига қаршилик қилмаслигини билдирган.