Құстар әлемінің сұлулығы мен алуан түрлілігін түсіну мақсатында жыл сайын «Bird Photographer of the Year 2020» (Жыл құстарының фотографы – 2020) фотографтардың халықаралық байқауы өтеді.

Жалпы жүлде қоры 20 мың фунт стерлингтен асатын биылғы байқаудың жеңімпаздары анықталып, бас жүлдеге бес мың фунт стерлинг «Жыл құсы фотографы» марапаты Норвегияда тұратын кувейттік Мажид әл-Заабиге нәсіп етті. Оның тәжді баклан құстары бейнеленген «Күн ұясына қалықтау» атты портреті Гран-при марапатына лайық деп табылды.

Итальяндық Франческо Филиппо Пеллеринидің «Игуазу сарқырамасындағы ұзын қанаттылар» картинасы «Табиғи мекендегі құстар» номинациясында жеңімпаз атанды.

Британдық фотограф Джеймс Хадсонның «Мандариндік абстракция» картинасы «Шығармашылық кескіндер» номинациясында бас жүлдені жеңіп алды.

Чехиядан келген Магдалена Страковойдың фотосуреті «Бақша мен қала құстары» номинациясында бірінші орынға ие болды.

Австралиялық фотограф Джордж Статлердің «Самғау» фотосымен «Үздік портфолио» номинациясыда үздік деп табылды.

Нидерландылық Рулоф Моленаардың суреті «Құстар қозғалысы» номинациясында жеңімпаз деп танылды.

Байқаудың «Ең жақсы қара - ақ фотосурет» неміс фотографы Роберт Соммердің «Бос нөмір» картинасына нәсіп етті.

«Детальдарға назар» номинациясында Израиль фотографы Моше Коэнанің «Мінсіз жасырыну» фотосуреті жеңімпазы атанды.

Тағы бір израильдік фотограф Гади Шмила «Құстардың самғауы» номинациясында ұшып баражатқан құстың бейнесі таспаланған фотосуреті үздік деп табылды.

«Шабыттандыратын кездесу» номинациясында автор Гэйл Биссонның «Үйге оралу» фотосы үздік жұмыс деп бағаланды.

«Жылдың ең жас фотографы» номинациясында 17 жастағы британдық Адам Лейк Девонширдеги түсірген көл аққуларының мөрмен жабылған фотосы байқауда үздік фотосурет деп бағаланды.